Gaurko errutina amaitzean, asteazkenero bezala psikomotrizitate saiora joan gara. Aurreko astean, psikomotrizitateko zenbait argazki igo nituen blogera eta bertan azladu nuen gutxi gora bera saio honen nondik norakoa. Berriro dena azaltzen ez ibiltzeko, blog honen eskuinaldean haurkitu dezakezue etiketetan, psikomotrizitate saioaren barruan.
Ikasgela bete beteta egon da, izan ere, 20 ikasletik 18 etorri baitira eta hau ez da oso ohikoa izaten. Ez dakit aipatu dizuedan noizbait ikasletako batek femurra hausi zuela ikasturtearen hasieran eta, ondorioz, ez dela ikasgelara etortzen. Ia haur guztiak zeudela aprobetsatuz, irakasleak talde osoko argazkia ateratzea erabaki du, gero hau Aitorri bidaltzeko (etxean dagoen haurra). Bide batez, niri ere atera dit argazkia talde osoarekin eta imprimatu egin dut oroigarri modura gordetzeko.
Arratsaldean, beraien lanak eramateko karpeta egiten hasi dira. Irakasleak karpetak mostuta eman dizkie eta haurrak karpetaren aldeetako bat tenperaz margotu dute. Gaurkoan arrain taldeak egin du, margotegi txokoan baitzegoen. Hurrengo egunetan margotegi txokoan dauden taldeek egingo dute.
Esan nizuen bezala, bihar ordezko irakaslea etorriko da ikasgelara, Marijok ezin baitu etorri. Ea gauzak ondo ateratzen zaizkiguen eta ez dugun arazorik izaten. Bihar kontauko dizuet nola joan den eguna. Agur!
No hay comentarios:
Publicar un comentario